Gufunesbryggja

Borgarráð hefur samþykkt tillögu Þorpsins-Vistfélags um útfærslu á Gufunesbryggju, en Þorpið bar á dögunum sigur úr býtum í alþjóðlegri samkeppni á vegum C40 Reinventing Cities (samtök nær hundrað stórborga um allan heim sem vinna að því að gera borgir sjálfbærar og grænar) um svæðið. Skrifstofa borgarstjóra mun á grundvelli vinningstillögunnar hefja viðræður við Þorpið um lóðavilyrði.

Segull fyrir menningu

Hugsunin að baki tillögunni er að bryggjan verði félags-, atvinnu- og samgöngumiðstöð. Bryggjur hafa í gegnum tíðina gegnt mikilvægu hlutverki í íslensku samfélagi, hvað varðar samgöngur, flutninga, veiðar og fleira. Um allan heim hafa eldri bryggjur orðið segull fyrir menningu og mannlíf.

Fjölbreytt mannlíf

Í samræmi við starfsemina í Gufunesi, þar sem kvikmyndagerð er fyrirferðarmikil, mun Gufunesbryggjan hýsa kvikmyndafyrirtæki, íbúðir, leikskóla, umbúðalausa matvöruverslun og veitingastað sem verður að hluta til neðansjávar. Heilsulind tengist ströndinni með sundlaug, sjósundsaðstöðu, gufuböðum, heitum pottum og hverskonar líkamsrækt. Við bryggjuna verður einnig aðstaða til siglinga á kajökum ofl.

Heimili sköpunar

Gufunesbryggja, mynd Yrki arkitektar